ლატვიის სეიმის დელეგაციის წევრები იუსტიციის სახლში პარლამენტის თავმჯდომარე დავით უსუფაშვილს ხვდებიან.
დელეგაციას სეიმის საგარეო საქმეთა კომიტეტის თავმჯდომარე ხელმძღვანელობს და მის შემადგენლობაში საქართველოსთან მეგობრობის ჯგუფის წევრები შედიან.
დღესვე სტუმრები პარლამენტის საგარეო ურთიერთობათა და ევროპასთან ინტეგრაციის კომიტეტების თავმჯდომარეებს და ასევე უმცირესობის და უმრავლესობის წარმომადგენლებს შეხვდებიან. ოთხდღიანი ვიზიტის ფარგლებში დაგეგმილია შეხვედრა მინისტრთა კაბინეტის წევრებთან.