„ქრისტიან-დემოკრატიული მოძრაობის~ და „ახალგაზრდა ქრისტიან-დემოკრატების" ორგანიზებით სასტუმრო „ამბასადორში " კონფერენცია გაიმართა, რომლის ძირითადი თემა „ახალგაზრდული პოლიტიკა" იყო.
ღონისძიებას „ქრისტიან-დემოკატიული მოძრაობის" ლიდერებიც ესწრებოდნენ. კონფერენციაზე „ახალგაზრდა ქრისტიან-დემოკრატებმა" ქვეყანაში „ახალგაზრდული პოლიტიკის" განვითარების საკუთარი ხედვა წარმოადგინეს. „ახალგაზრდა ქრისტიან-დემოკრატებმა" კონცეფციაში ძირთადი აქცენტები ახალგაზრდა ოჯახების პრობლემებზე, დასაქმებასა და განათლების ხელმისაწვდომობაზე გააკეთეს.
შეხვედრის დასაწყისში გიორგი თარგამაძემ, ორი ახლადშექმნილი „ქრისტიან-დემოკრატიული" ოჯახი სიმბოლური საჩუქრებით დააჯილდოვა.
„ახალგაზრდა ქრისტიან-დემოკრატები" კვლავაც განაგრძნობენ ახალგაზრდობის პრობლემატიკის გამოკვეთას და მათი გადაჭრის გზების ძიებას.
„დღეს ორი ახლადშექმნილი „ქრისტიან-დემოკრატიული" ოჯახი დავაჯილდოვეთ და გამოვკვეთეთ ის ძირითადი პრობლემები, რომლებიც თითქმის ყველა ახალად შექმნილ ოჯახს აწუხებს საქართველოში. ისეთი, როგორიცაა დასაქმება, დაზღვევისა და განათლების ხელმისაწვდომობა, ბინით უზრუნველყოფა და სხვა. ჩვენმა ახალგაზრდებმა ასევე წარმოადგინეს ამ პრობელემბის მოგვარების საკუთარი ხედვა, რომელიც წინა მთავრობასაც შევთავაზეთ, თუმცა მათ ეს არ გაითვალისწინეს. დღეს კი განახლებულ პაკეტს ახალ მთავრობას წარვუდგენთ და იმედი გვაქვს, რომ ისინი მეტ ყურადღებას დაუთმობენ ახალგაზრდების პრობელემების მოგვარებას"- განაცხადა გიორგი თარგამაძემ.