ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ალექსი პეტრიაშვილმა დანიის სამეფოში სამუშაო ვიზიტის ფარგლებში შეხვედრა გამართა თავდაცვის მინისტრის პირველ მოადგილე კრისტიან ფიშერთან.
სახელმწიფო მინისტრმა დანიურ მხარეს მადლობა გადაუხადა საქართველოს ტერიტორიული მთლიანობისა და სუვერენიტეტის, აგრეთვე, ოკუპირებული ტერიტორიების არაღიარების პოლიტიკის მტკიცე მხარდაჭერისთვის და ძირითადი ყურადღება საქართველოს ევროპულ ევროატლანტიკურ სტრუქტურებში სრულფასოვანი ინტეგრირების საკითხში საერთაშორისო პარტნიორების, მათ შორის დანიის მხარდაჭერის მნიშვნელობაზე გაამახვილა.,,ჩვენ მივიღეთმხარდაჭერა დანიის თავდაცვის სამინისტროს ხელმძღვანელობის მხრიდანს ქართველოს ტერიტორიულ მთლიანობასთან დაკავშირებით, მხარდაჭერა ჩვენ სწრაფვასთან დაკავშირებით ნატოში ინტეგრაციის დაჩქარების მიზნით"-განაცხადა შეხვედრის დასრულების შემდეგ ალექსი პეტრიაშვილმა.
შეხვედრაზე, ასევე, საუბარი შეეხო საქართველო-დანიას შორის თავდაცვისა და უსაფრთხოების სფეროში ორმხრივი თანამშრომლობის საკითხებს. სახელმწიფო მინისტრმადანიის მხარეს მადლობა გადაუხადა ქართველი სამხედრო მოსამსახურეების განათლების დონის ამაღლების საქმეში შეტანილი წვლილისთვის და იმედი გამოთქვა, რომ ამ მიმართულებით ორ ქვეყანას შორის ურთიერთობა კიდევ უფრო გაღრმავდება.
