ილია ჭავჭავაძის საზოგადოებისთვის სრულიად მიუღებელია ნებისმიერი ადამიანის თუ ადამიანთა ჯგუფის მიმართ განხორციელებული ძალადობა, ამის შესახებ საუბარია ილია ჭავჭავაძის საზოგადოების განცხადებაში.
როგორც განცხადებაშია აღნიშნული, ვინც ასეთ ძალადობას წინა ხელისუფლების მიერ ჩადენილი დანაშაულობებით ამართლებს, მას არავითარი წარმოდგენა არა აქვს დემოკრატიაზე და უბრალოდ ადამიანურ ფასეულობებზე.
„ასევე სრულიად აღმაშფოთებელია დეპუტატების დაშინება, ტერორიზება და მათი ფაქტიური იძულება მხარი დაუჭირონ უმრავლესობის წინადადებას, როგორიც არ უნდა იყოს ეს წინადადება.. პრეზიდენტის კონსტიტუციით გათვალისწინებულ გამოსვლაზე პარლამენტის უმრავლესობის მიერ უარის თქმაც არადემოკრატიული და შოკისმომგვრელი არგუმენტით - ჯერ ჩვენ დაგვიჭირეთ მხარიო , სრულიად გაუმართლებელი იყო და მან ხელი შეუწყო შემდგომ არაჯანსაღ მოვლენებს.
როგორიც არ უნდა იყოს წინა ხელისუფლების მიერ ჩადენილი დანაშაულობები, ახალი ხელისუფლება, ადამიანური საზოგადოების დამკვიდრებაზე და ქვეყნის ბედზე უნდა ფიქრობდეს და არა ადამიანებში ბოღმის და სიძულვილის კიდევ უფრო გაღვივებაზე და ქვეყნის ორ სამკვდრო- საცსიცოცხლოდ დაპირისპირებულ ბანაკად გაყოფაზე.
P.S".დეპოლიტიზირებული" პოლიცია კი თავის ფუნქციას უნდა ასრულებდეს და არა დაზარალებულსვე აბრალებდეს მის წინააღმდეგ განხორციელებულ ძალადობას"- ნათქვამია განცხადებაში.