საქართველოს პრეზიდენტის განმარტებით ის პარლამენტში უმრავლესობისათვის კოჰაბიტაციის შესათავაზებლად მიდიოდა. როგორც პრეზიდენტმა განმარტა ის უმრავლესობას წარმატებას უსურვებს, რადგანაც მათი წარუმატებლობა ქვეყნის წარუმატებლობა იქნება.
„მოდით დროებით დავივიწყოთ ჩვენი პოლემიკა და არაპარტიული გადმოსახედიდან შევაფასოთ წინა არჩევნების შედეგები. რა თქვა ხალხმა 1-ელ ოქტომბერს, როდესაც ახალი მთავრობა და ახალი უმრავლესობა აირჩია? ნუთი ხალხმა იმის განადგურებას მისცა ხმა, რაც აქამდე გაკეთდა. თუ იმას მისცა ხმა რომ უფრო მეტი პროგრესისთვის მიგვეღწია?! იმედი მაქვს, რომ შევთანხმდებით იმაზე, რომ ხალხმა ხმა მისცა ახალ უმრავლესობას რადგან მას ნაკლები კი არა მას ბევრად მეტი სურდა. ასე, რომ ახლა დროა ახალმა უმრავლესობამ მეტი მისცეს ხალხს და გააგრძელოს ჩვენი „ნაციონალური სახლის" შენება. ახლა იმის დროა, რომ არჩევნებში გამარჯვებულმა ზალამ შეიფეროს და საძირკველი აითვისოს. პირველ სართულზე დააშენოს მეორე და მესამე სართული. ჩვენ უმრავლესობის ყველა წევრს ვუსურვებთ დიდი წარმატებას ამ მისიაში. არასოდეს არ ვუსურვებ მათ წარუმატებლობას, რადგანაც მათი წარუმატებლობა ჩვენი ერის წარუმატებლობა იქნება. მე ვაპირებდი პარლამენტში მისვლას, რათა მათთვის თანამშრომლობა და კოჰაბიტაცია შემეთავაზებინა"- განაცხადა მიხეილ სააკაშვილმა.