"ბოლო ორი ათწლეულის განმავლობაში ისეთი რამის მომსწრეები გავხდით, რაც საუკუნეების განმავლობაში მირაჟი იყო - ჩვენი საყვარელი საქართველოს აღორძინების, როგორც თავისუფალი, დამოუკიდებელი დემოკრატიული ქვეყნისა, რომელიც დაადგა გზას ევროპული ოჯახისკენ და ევროპული ბედისკენ", _ განაცხადა საქართველოს პრეზიდენტმა პრეზიდენტის სასახლეში სიტყვით გამოსვლისას.
და აღნიშნა, საქართველო უკვე არის ქვეყანა რომელსაც აქვს თავისუფლება, მიჰყვეს საკუთარ კურსს და თავადვე აირჩიოს რომელ ალიანსში გაწევრიანდეს. ეს არის ქვეყანა რომელიც თავის მოქალაქეებს უკეთეს ცხოვრებასთან დაკავშირებულ დაპირებებს უსრულებს. ეს ის ქვეყანაა სადაც თავისუფლად იჩევენ ხალხის წარმომადგენლებს და მათ ამ დანაპირების შესრულება ეკისრებათ რომელიც ხალხს მისცეს.
"ჩემთვის დიდი პატივია მოგმართოთ თქვენ და მივმართო მათ საერთო უფროსს, ხელმძღვანელს, დამკვეთს, დამქირავებელს მის უდიდებულესობა ქართველ ხალხს!
მე აქ მოვედი (უნდა მივსულიყავი პარლამენტში და ეს უნდა მეთქვა) არა როგორც პარტიის ლიდერი არამედ როგორც პრეზიდენტი და მოქალაქე, მე აქ განსხვავებული შეხედულებების ხაზგასასმელად არ მოვსულვარ, რადგან რაც არ უნდა განხსვავებული იყოს ჩვენს შორის შეხედულებები მე აქ მოვედი რათა ყურადღება გავამახვილო იმაზე რამაც უნდა გაგვაერთიანოს საქართველოს მოქალაქეები და ადამიანები, რომლებმაც ვალდებულება აიღეს ემსახურონ ქართველ ხალხს. ასეთი ვალდებულება მარტივად არ უნდა იყოს აღთქმული", _ განაცხადა მიხეილ სააკაშვილმა.
