პრეზიდენტი შეშფოთებას გამოხატავს დღევანდელი მოვლენების გამო, _აღნიშნულის შესახებ მიხეილ სააკაშვილმა პრეზიდენტის რეზიდენციაში სიტყვით გამოსვლისას განაცხადა.
,,მინდა დიდი შეშფოთება და გულისტკივილი გამოვხატო დღევანდელი მოვლენების გამო. თქვენ იცით, რომ ჩვენ არ გვინდოდა რაიმე სახის გართულება და შეტაკება. ყოველწლიურად საქართველოს პრეზიდენტი მიდიოდა საქართველოს პარლამენტში და პარლამენტში აკეთებდა მოხსენებას. მე ვყოფილვარ სქართველოს პარლამენტის წევრი და დავსწრებივარ ამ მოხსენებას, მე ვყოფილვარ საქართველოს პარლამენტის უმცირესობის წევრი, როცა მოდიოდა ჩემი წინამორბედი პრეზიდენტი შევარდნაძე. მე დიდი დიდი სიამოვნებით ვესწრებოდი პრეზიდენტის გამოსვლებს განსაკუთრებით როცა ვიყავი ოპოზიციაში, რადგან ეს იყო მშვენიერი შესაძლებლობა მოგვესმინა მისთვის გამოგვეხტა ჩვენი აზრი, გამოგვეხატა ჩვენი პოზიციები და მიოგვეცა ქვეყნისთვის შედარების საშუალება. ამისთვის არის ასეთი გამოსვლები ასეთი შანსი ჰქონდა საქართველო დღევანდელ პარლამენტსაც. მე ვაპირებდი მათი მოწვევით, ყველაფერი შეთანხმებული იყო იქ მისვლას, დრის ორ საათზე, მე გამოვიდოდი და შემდეგ ფრაქციის წარმომადგენლები, ვიცე-სპიკერები, პარლამენტის თავმჯდომარე და დამისვამდნენ მწვავე შეკითხვებს ყველა საკითხებს, მკაცრად გამაკრიტიკებდნენ, დამგმობდნენ, ამას გავითვალისწინებდი", _განაცხადა სააკაშვილმა.
