,,ამ ქვეყანაში პოლიცია არის იმ დონეზე, რომ შეძლოს წინასწარ გაანალიზოს სიტუაცია, საფრთხე", -განაცხადა ჟურნალისტებთან გიორგი ბარამიძემ საჯარო ბიბლიოთეკაში პრეზიდენტის გამოსვლის ჩაშლის კომენტირებისას.
,,მე ვფიქრობ, რომ ამ ქვეყანაში პოლიცია არის იმ დონეზე, რომ შეძლოს წინასწარ გაანალიზოს სიტუაცია, შეძლოს გაანალიზოს საფრთხე და შესაბამისად იმოქმედოს, რომ ამგვარ უმსგავსობას, რომელიც ლაქად დარჩება საქართველოს ისტორიაში და იქნება მიზეზი მიზეზი იმისა, რომ ჩვენ ქვეყანას სახელი გაუტყდება მთელს მსოფლიოში", -განაცხადა ბარამიძემ და აღნიშნა, რომ საჯარო ბიბლიოთეკასთან ადამიანები პრემიერ-მინისტრის მითითებით იყვნენ მობილიზებული, რომლებმაც დეპუტატებს შეურაცხყოფა მიაყენეს.
მისივე განცხადებით, ნაცემია ჩიორა თაქთაქიშვილი და გიორგი გაბაშვილი.
