იმაზე ადრე, ვიდრე ჩვენ წარმოგვედგინა მოვახერხეთ ძალიან ბევრის გაკეთება - ამის შესახებ განცხადება ბიძინა ივანიშვილმა დღეს ჟურნალისტებთან გამართულ შეხვედრაზე გააკეთა, სადაც მან მთავრობის მუშაობის 100 დღის მუშაობისას შედეგები შეაჯამა.
პრემიერ-მინისტრის განმარტებით, საქართველოში ბოლო კვირეებში დაიწყო ფასების შემცირება. „ელეტროენერგიის გადასახადი შემცირდა 21-27 %-ით, საწვავის ფასი შემცირდა საშუალოდ 10 %-ით, გაზის ფასი 10 %-ით შემცირდება თებერვლიდან, ამ მიმართულებით ჩვენ განვაგრძობთ მუშაობას და დიდი იმედი მაქვს, რომ მგონი კიდევ მოვახერხებთ გაზის ფასის კიდევ შემცირებას"-განაცხადა პრემიერ-მინისტრმა.
ივანიშვილი აცხადებს, რომ შეინიშნება ფარმაცევტული პროდუქციის 30 %-იდან 70 %-მდე შემცირების ტენდენცია. „თუ ეს ესეა გამოდის, რომ ყურად იღეს ბიზნესმენებმა, რომ მონოპოლიური ფასები არ უნდა არსებობდეს და თითონვე დაიწყეს გამოსწორება რაც მისასალმებელია", - აცხადებს იბანიშვილი.
