საპარლამენტო უმრავლესობა საკონსტიტუციო ცვლილებეთან დაკავშირებით განცხადებას ორშაბათს, 4 თებერვალს გააკეთებს. ეს ერთადერთი განცხადება გაკეთდა საპარლამენტო უმრავლესობისა და პრემიერ ბიძინა ივანიშვილის შეხვედრის დასრულების შემდეგ. შეხვედრა ოთხ საათზე მეტი ხნის განმავლობაში მიმდინარეობდა. ისინი აცხადებენ, რომ გარკვეულ საკითხებზე მოხდა შეჯერება თუმცა ჟურნალისტებთან შეხვედრიდან გამოსულებმა კონკრეტული შედეგების დასახელებისგან თავი შეიკავეს.
"ორშაბათს 12 საათზე კოალიციის ოფისში გავაკეთებთ განცხადებას. განცხადება იქნება სწორედ საკონსტიტუციო ცვლილებეთან დაკავშირებით", _ აცხადებს საპარლამენტო უმრავლესობის ლიდერი დავით საგანელიძე.