ჩვენ თვალსა და ხელს შუა გვაპარებენ ახალი სეპარატიზმის იდეას, გვინერგავენ ამას, - ეს განცხადება საქართველოს პრეზიდენტმა მიხეილ სააკაშვილმა ქობულეთში, ჟურნალისტებთან საუბრისას გააკეთა.
პრეზიდენტის თქმით, ჯავახეთში ერთიანი ადმინისტრაციული ერთეულის შექმნის იდეა, ეწინააღმდეგება საქართველოს ეროვნულ ინტერესებს.
"ჩვენ თვალსა და ხელს შუა გვაპარებენ ახალი სეპარატიზმის იდეას, გვინერგავენ ამას. ერთმანეთთან არის ყველაფერი კავშირში. აფხაზეთიდან რკინიგზის გახსნა საქართველოს გავლით სომხეთზე, რაც დღევანდელ ეტაპზე ძირეულად ეწინააღმდეგება საქართველოს ეროვნულ ინტერესებს და მეორე ეს არის ჩახალიანის ციხიდან გამოშვება. ახლა ისე გათავხედდა, რომ ყოველ დღე აკეთებს განცხადებას, დაიწყო ორგანიზაცია და შემოტევა საქართველოს ცენტრალურ ხელისუფლებაზე. ახლა ეს თემა, თავისუფალი ეკონომიკური ზონის. უნდათ, ნებისმიერ ფასად, შექმნან რაღაც სახის ადმინისტრაციული ერთეული ჯავახეთში და თავისუფალი ეკონომიკური ზონის იდეა აქ არის ის, რომ შეიქმნას ერთიანი ადმინისტრაციული ერთეული და როდესაც შეიქმნება ერთიანი ადმინისტრაციული ერთეული, უკვე მოითხოვენ მისთვის ავტონომიას და შემდეგ დამოუკიდებლობას, საქართველოსგან გამოყოფას", - აღნიშნა მიხელ სააკაშვილმა.