გიორგი გუგავა ,,ლეიბორისტულ პარტიაში" რჩება. როგორც ,,ჯი-ეიჩ-ენთან" საუბარში გუგავამ განაცხადა ის პარტიაში რჩება და მუშაობაც ჩვეულ რეჟიმში აგრძელებს,
,,პარტიაში ვრჩები, არსად წასვლას არ ვაპირებ და ვაგრძელებ მუშაობას", _განაცხადა გუგავამ.
შეგახსენებთ, რომ ლეიბორისტული პარტიის პოლიტიკური კომიტეტის წევრებმა საგანგებო განცხადება გააკეთეს და ლეიბორისტული პარტიის რიგები დატოვეს. პარტიის რიგები დატოვეს - გენერალური მდივანნმა იოსებ შატბერაშვილმა; იდეოლოგიურმა მდივანმა კახაბერ ძაგანიამ; აღმასრულებელი მდივანმა პაატა ჯიბლაძემ, საორგანიზაციო მდივანმა კონსტანტინე გუგუშვილმა; რეგიონალურმა მდივანმა გიორგი მთვარელიძემ და აპარატის უფროსმა დავით ვერძეულმა.
ლეიბორისტული პარტია" პოლიტიკური კომიტეტის წევრების მიერ გაკეთებულ განცხადებასა და მათ მიერ პარტიის რიგების დატოვებას ეხმიანება. "ჩვენ საზოგადოება თავის დროზე არაერთხელ გავაფრთხილეთ, რომ პრემიერი ივანიშვილი ყველა თავისი რესურსით და სპეცსამსახურით ცდილობს მისგან უმართავი და დაუმორჩილებელი "ლეიბორისტული პარტიის" დაშლას ან დისკრედიტაციას. სამწუხაროა, რომ როგორც ვვარაუდობდით ამ ანკესს წამოეგო პარტიის რამდენიმე აქტივისტი. ნაწილი არჩევნებამდე, ხოლო პატარა ჯგუფი დღეს. "ლეიბორისტული პარტია" ჩვეულებრივ რეჟიმში აგრძელებს უკომპრომისო ბრძოლას ივანიშვილ-სააკაშვილის მჩაგვრელი რეჟიმის წინააღმდეგ და არ არსებობს ძალა, რომელიც ამ მიზანზე ხელს აგვაღებინებს",- ნათქვამია "ლეიბორისტული პარტიის" მიერ გავრცელებულ განცხადებაში.