"რუსეთი და საქართველო წინააღმდეგობაში ყოფნის მუდმივად გაგრძელებისათვის განწირულნი არ არიან, სიტუაცია შეიცვალა... ახლა შექმნილია გარემო იმისათვის, რომ ეცადო და ორმხრივი ურთიერთობების ნორმალიზებაზე ისაუბრო", - აცხადებს ანგარიშის ერთ-ერთი ავტორი რუსეთის საგარეო საქმეთა სამინისტროს ანალიზისა და საერთაშორისო პრობლემების კათედრის მთავარი მასწავლებელი ანდრეი სუშენცოვი.
"რუსეთსა და საქართველოს ამჟამად აქვთ ურთიერთობების ნორმალიზების საშუალება, თუმცა, უცაბედი ცვლილებების მოლოდინი უახლოეს პერსპექტივაში მოსალოდნელი არ არის", - ნათქვამია საგარეო საქმეთა სამინისტროს ანალიზისა და საერთაშორისო პრობლემების კათედრის ანგარიშში სახელწოდებით "საქართველო არჩევნების შემდეგ და რუსეთ-საქართველოს ურთიერთობები".
ანგარიშში ავტორები რუსეთისა და საქართველოს განსახილველი საკითხების რის წესრიგიდან ხუთი ყველაზე პრობლემატური საკითხი გამოყვეს და ასევე წარმოადგინეს ნაბიჯები, რომლებიც შესაძლოა უახლოეს მომავალში გადაიგდას.
ანგარიშის ავტორები, უპირველეს ყოვლისა ყურადღებას ამახვილებენ იმაზე, რომ აფხაზეთუსა და სამხრეთ ოსეთის თემის დეპოლიტიზირება მოხდეს და ჰუმანიტარული საკითხების განხილვა ისე დაიწყოს, რომ ამ ე.წ. რესპუბლიკების პოლიტიკურ სტატუსზე საუბარი არ მიმდინარეობდეს.
ამასთანავე, ანგარიშის ავტორები წერენ, რომ "აფხაზეთისა და სამხრეთ ოსეთის პრობლემისადმი საქართველოს მიდგომის ცვლილების მნიშვნელოვანი მარკერი ოკუპირებული ტერიტორიების შესახებ კანონის გაუქმება იქნებოდა", რომელიც ავტორთა აზრით თავად საქართველოსთვის არ არის მომგებიანი.
ანგარიშში გვერდი არ აქვს ავლილი საქართველოს ნატოში შესაძლო გაწევრიანების თემასაც და აღნიშნულია, რომ სავარაუდოდ, უახლოეს მომავალში ეს არ მოხდება და "ახლანდელ პირობებში რუსეთი რჩება ყველაზე მისაღებ პარტნიორად საქართველოს უსაფრთხოების უზრუნველყოფისათვის".
აღნიშნული ინფორმაციის გავრცელებისას, რუსული მედია აღნიშნავს, რომ ეს ანგარიში მომავალ კვირას საქართველოში იქნება წარმოდგენილი.