საქართველოს საგარეო საქმეთა მინისტრი ოფიციალური ვიზიტით ესტონეთში იმყოფება. მაია ფანჯიკიძემ უკვე გამართა შეხვედრა თავის ესტონელ კოლეგასთან, ურმას პაეტთან. საგარეო საქმეთა სამინისტროს პრე-სამსახურის ინფორმაცით, შეხვედრაზე მხარეებმა ორმხრივი ურთიერთობების ფართო სპექტი განიხილეს. საუბარი შეეხო საქართველოს ევროპულ და ევროატლანტიკურ მისწრაფებებს, ასოცირების შესახებ შეთანხმების გაფორმების, სავიზო რეჟიმის ლიბერალიზაციისა და თავისუფალი ვაჭობის შესახებ შეთანხმებებთან დაკავშირებულ საკითხებს.
საგარეო საქმეთა მინისტრებმა საქართველოში არსებულ ვითარებაზეც ისაუბრეს. ურმას პაეტმა და მაია ფანჯიკიძემ ხელი მოაწერეს შეთანხმებას ესტონეთსა და საქართველოს შორის საიდუმლო ინფორმაციის გაცვლის თაობაზე. შეხვედრის დარსულების შემდეგ მინისტრებმა პრესკონფერენციაზე მედიის წარმომადგენელთა შეკითხვებს უპასუხეს.
„ვფიქრობ, ევროკავშირი და საქართველო მიმდინარე წელსვე გადადგამენ მნიშვნელოვან ნაბიჯს თავის ურთიერთობებში და ბოლო წლებში საქართველოს მიერ გაწეული მუშაობის შედეგად, წელსვე იქნება შესაძლებელი ასოცირების, სავიზო რეჟიმის ლიბერალიზაციის და თავისუფალი ვაჭრობის შესახებ შეთანხმებების ხელმოწერა," - განაცხადა ესტონეთის საგარეო საქმეთა მინისტრმა.
„ეტონეთთან ჩვენ მრავალწლიანი, ნაყოფიერი ურთიერთობები გვაკავშირებს. ჩვენ მომავალშიც შეგვიძლია დავეყრდნოთ ესტონეთის მხარდაჭერას. შეხვედრაზე ვისაუბრეთ, თუ რამდენად მნიშვნელოვანია 2013 წელი საქართველოსთვის ევროპული და ევროატლანტიკური ინტეგრაციის კუთხით. ასევე, აღვნიშნეთ, რომ წელს არის საპრეზიდენტო არჩევნები დაგეგმილი საქართველოში და ახალ ხელისუფლებას აქვს საშუალება დაამტკიცოს, რომ იგი მართლაც დემოკრატიულ ქვეყანას აშენებს,"- განაცხადა თავის მხრივ მაია ფანჯიკიძემ.
მაია ფანჯიკიძე ოფიციალური ვიზიტის ფარგლებში ესტონეტის პრეზიდენტს და პრემიერ-მინისტრსაც შეხვდება.