,,ჩემთვის განსაკუთრებით შემაშფოთებელი იყო რეაქცია, რომელიც "კანონიერი ქურდების" გათავისუფლებას, საქართველოს მთავრობის მხრიდან მოჰყვა", _ განაცხადა მიხეილ სააკაშვილმა ავლაბრის რეზიდენციაში, ქუთაისის უნივერსიტეტის სტუდენტებთან და პროფესორ-მასწავლებლებთან შეხვედრისას, ციხეებიდან "კანონიერი ქურდების" გათავისუფლების კომენტირებისას.
,,ჩემთვის განსაკუთრებით შემაშფოთებელი იყო რეაქცია, რომელიც მოჰყვა "კანონიერი ქურდების" გათავისუფლებას საქართველოს მთავრობის მხრიდან. რეაქცია არის ასეთი, რომ მოხდა რაღაც მოვლენა ესენი გამოვიდნენ, დიდი ამბავი ამნისტიამ გამოუშვა, ჩვენ რა შუაში ვართ, ჩვენ გავაგრძელებთ ბრძოლას. მინდა გითხრათ, რომ თქვენ გახსოვთ ალბათ ნიაზ დიასამიძის კლიპი ,,ჩვენ ავაშენებთ სახლს", ტელევიზორში ტრიალებდა და სულ მახსნდება ეს კლიპი, ნელა აგურ-აგური იდება და საქართველომ დაიწყო აშენება. ეს კლიპი უკან, რომ გადავახვიოთ, დაახლოებით ასეთი სურათის წარმოდგენა მაქვს დღეს. ჩვენ თითქოს ჩვენ ისტორიას უკან ვახვევთ და მივდივართ 90-იან წლებში", -განაცხადა მიხეილ სააკაშვილმა და მთავრობას მოუწოდა თავს ნუ ისულელებენ, როცა ამბობენ, რომ ციხიდან გამოშვებული ქურდები უცხოეთში წავლენ.
