,,მნიშვნელოვანია, რომ საპარლამენტო უმრავლესობამ სწრაფად გაიაზროს, რომ ქვეყნის ინტერესშია მჭიდრო თანამშრომლობა ვენეციის კომისიასთან", - განაცხადა საპარლამენტო ოპოზიციის ლიდერმა დავით ბაქრაძემ, ვენეციის კომისიის პრეზიდენტ ჯანი ბუკიკიოსთან შეხვედრის შემდეგ.
,,ძალიან მნიშვნელოვანია, რომ საპარლამენტო უმრავლესობამ ძალიან სწრაფად გაიაზროს, რომ ხელისუფლების მთავრობის და პირველ რიგში ქვეყნის ინტერესშია, რაც შეიძლება მჭიდრო და კარგი თანამშრომლობა ვენეციის კომისიასთან. ჩვენ ასეთი თანამშრომლობა წინა წლებში ნამდვილად დავამყარეთ და დღესაც, როგორც ოპოზიცია მზად ვართ ყველაფერი გავაკეთოთ იმისთვის, რომ ვენეციის კომისიის აზრი ყოველთვის იქნას გათვალისწინებული ქართულ კანონმდებლობაში", _განაცხადა დავით ბაქრაძემ.
შეგახსენებთ, რომ ვენეციის კომისიის პრეზიდენტი საპარლამენტო უმცირესობას შეხვდა.ჯანი ბუკიკიო საქართველოში ვიზიტის ფარგლებში უკვე შეხვდა პარლამენტის თავმჯდომარეს დავით უსუფაშვილს. ასევე დაგეგმილია შეხვედრები საპარლამენტო უმრავლესობასთან, პრემიერთან, იუსტიციის მინისტრთან და უზენაესი სასამართლოს თავმჯდომარესთან.