საქართველოს პარლამენტის თავმჯდომარე დავით უსუფაშვილი ვენეციის კომისიის პრეზიდენტს ჯანი ბუკიკიოს შეხვდა.როგორც შეხვედრის დასრულების შემდეგ უსუფაშვილმა ჟურნალისტებს განუმარტა, შეხვედრაზე ისაუბრეს სახელმწიფო საკონსტიტუციო კომისიის შექმნისა და საარჩევნო საკითხებთან დაკავშირებით.
,,მე მას ვუთხარი რომ ჩვენ გვაქვს გეგმა სახელმწიფო საკონსტიტუციო კომისიის შექმნის, რომელმაც უნდა იმუშაოს ფუნდამენტურ საკითხებზე. ავუხსენი რა ფორმატით ვაპირებთ მუშაობას და ის ძალიან კმაყოფილი დარჩა რომ ჩვენ ამ პროცესში ჩავრთავთ არა მხოლოდ საპარლამენტო ძალებს, არამედ პარლამენტს გარეთ მყოფ პოლიტიკურ ძალებს, საზოგადოებრივ ორგანიზაციებსა და ვენეციის კომისიისს წარმომადგენლებს. ასე რომ, ეს პროცესი იმედია მალე დაიწყება. მეორე დიდი მიმართულება ესაა საარჩევნო საკითხები, რომელზეც ინტერფრაქციული ჯგუფი თებერვლის დასაწყისში შეიქმნება პარლამენტში. ამის თაობაზე სხვა პოლიტიკურ პარტიებთან გვქონდა საუბრები და ამ საკითხებზეც მოვახსენე",_ განაცხადა უსუფაშვილმა.
