,,ვფიქრობ რომ წინა წლებში სიტყვა და საქმე შორს იდგა და დგას დღესაც როდესაც ამგვარი ინიციატივები მოდის ხოლმე "ნაციონალური მოძრაობისგან". მე ძალიან ბევრი ფაქტი მახსენდება როდესაც კანონის დარღვევაში თვითონ კანონპროექტის ავტორიც მონაწილეობდა. გავიხსენებ სვანეთში მომხდარ საზარელ შემთხვევას. რომლის ერთ-ერთი მოთავე და ხელმძღვანელი გახლდათ ბატონი ბარამიძე.ბარამიძემ იმჟამინდელ სხვა მაღალჩინოსნებთან ერთად ადამიანის უფლებები დაარღვია როდესაც მთელი ოჯახი ამოწყვიტა. წლების მანძილზე ბარამიძეებისა და სხვენის მიერ ხელაღებით ადამიანის არა ერთი უფლება ირღვეოდა. არ არის მთავარი რა ჩაიწერება კანონში, მთავარია კარგი კანონი კარგად აღსრულდეს. მთავარია ქვეყნის კურსი როგორი იქნება. საქართველომ მისი კურსი აირჩია არა "ქართული ოცნების" ხელისუფლებაში მოსვლის ჟამს და არა "ნაციონალური მოძრაობის" ხელისუფლებაში მოსვლის ჟამს არამედ მაშინ როდესაც ჩვენ გამოვაცხადეთ ჩვენი ქვეყნის დამოუკიდებლობა", -განაცხადა ცაგარეიშვილმა.

შეგახსენებთ, რომ ,,ნაციონალური მოძრაობა" ახალი ინიციატივით გამოდის. როგორც პარტიის ოფისში გამართულ პრესკონფერენციაზე ,,ნაციონალური მოძრაობის" წევრმა გიორგი ბარამიძემ განაცხადა ინიციატივა საქართველოს კურსის უცვლელობას უკავშირდება.

,,ჩვენ გვინდა გამოვიდეთ ინიციატივით ,,ერთიანი ნაციონალური მოძრაობისა" და საპარლამენტო უმცირესობის სახელით და წარმოგიდგინოთ კანონპროექტი ,,საქართველოს კურსის უცვლელობის შესახებ". ეს ეხება საქართველოს სტრატეგიულ საკითხებში კურსის უცვლელობას, რომელიც სამი კომპონენტისგან შედგება: პირველი კომპონენტი ეს არის, ჩვენი კურსის უცვლელობა ნატოსა და ევროკავშირში გაწევრიანებასთან დაკავშირებით, რომ საქართველოს არცერთმა მთავრობამ ამ კურსს არ გადაუხვიოს, მეორე კომპონენტი ეს არის საქართველოს დეოკუპაციისკენ მიმართული პოლიტიკა და საქართველოს ოკუპირებული ტერიტორიების არაღიარების პოლიტიკა და მესამე, რომ საქართველო არ გაწევრიანდება დსთ-ში, ევრაზიულ კავშირში, არ გაწევრიანდება ე.წ. კოლექტიური უსაფრთხოების ხელშეკრულების ორგანიზაციაში, საბაჟო კავშირში და სხვა პოსტსაბჭოთა გაერთიანებებში", _განაცხადა ბარამიძემ და აღნიშნა, რომ კანონპროექტის ინიცირება პარლამენტში საგაზაფხულო სესიის დაწყებისთანავე მოხდება.