საქართველოს საგარეო საქმეთა მინისტრის მოადგილემ დავით ჯალაღანიამ შეხვედრა გამართა საქართველოში სამუშაო ვიზიტად მყოფ რუმინეთის საგარეო საქმეთა სამინისტროს სტრატეგიულ საკითხებში სახელმწიფო მინისტრთან ბოგდან ლუჩიან აურესკუსთან.
შეხვედრაზე მხარეებმა განიხილეს ორ ქვეყანას შორის არსებული ორმხრივი პოლიტიკური და ეკონომიკური ურთიერთობების ფართო სპექტრი. ხაზი გაესვა ორ ქვეყანას შორის ტრანსპორტისა და ენერგეტიკის სფეროში თანამშრომლობას და საინვესტიციო პოტენციალის მაქსიმალურ გამოყენებას, ასევე ევროკავშირისა და ნატოს ფარგლებში ურთიერთობების სამომავლო პერსპექტივებს.
რუმინეთის მხარემ, კიდევ ერთხელ დაადასტურა ურყევი მხარდაჭერა საქართველოს ტერიტორიული მთლიანობისადმი და ევროპული და ევროატლანტიკური მისწრაფებისადმი.
შეხვედრის შემდეგ, საქართველოს საგარეო საქმეთა მინისტრის მოადგილემ და რუმინეთის საგარეო საქმეთა სამინისტროს სტრატეგიულ საკითხებში სახელმწიფო მინისტრმა ერთობლივი პრესკონფერენცია გამართეს.
