მე, როგორც იუსტიციის მინისტრი და ჯერ კიდევ მოქმედი კანონით. პროკურორი, ვაცხადებ იმას, რაც ფაქტია - მე ვითხოვ პატიმრობას, კუბლაშვილი უშვებს, - განაცხადა იუსტიციის მინისტრმა თეა წულუკიანმა ტელეკომპანია "რუსთავი 2"-ის ეთერში, გადაცემა "პოზიციაში".
მისი თქმით, ხალხში არის უკმაყოფილება რომ "ეს ადამიანები ციხეშიც კი ვერ ჩაგისვამთო"
"ხალხში არის უკმაყოფილება და ასე გველაპარაკება: რა ხელისუფლება ხართ თქვენ, თუკი საუბრობთ სამართლიანობის აღდგენაზე, ამისთვის მიგიშვით თქვენ ხელისუფლებასთან და ეს ადამიანები ციხეშიც კი ვერ ჩაგისვამთო. ეს არის პრეტენზია, რაც მე მესმის ამომრჩევლისგან. ამაზე მე ვპასუხობ იმას, რაც გაღიზიანებული მოსახლეობისთვის ერთი შეხედვით ნათელი არ იყოს. პასუხი არის შემდეგი: მე, როგორც იუსტიციის მინისტრი და ჯერ კიდევ მოქმედი კანონით. პროკურორი, ვაცხადებ იმას, რაც ფაქტია - მე ვითხოვ პატიმრობას, კუბლაშვილი უშვებს", - განაცხადა წულუკიანმა.
