რუსეთის ფედერაციის ვიცე-პრემიერმა დიმიტრი როგოზინმა რუსეთ-საქართველოს სახელმწიფო საზღვარზე, რომელსაც ამჟამად რუსეთი და აფხაზი სეპარატისტები რუსეთ -აფხაზეთის სახელმწიფო საზღვარს უწოდებენ, მრავალპროფილიანი გამშვები პუნქტი "ადლერი" მოინახულა. ინფორმაციას ამის შესახებ რუსული მედია ავრცელებს.
მათი ინფორმაციით, ეს ობიექტი ექსპლოატაციაში შესასვლელად ემზადება. როგოზინის განცხადებით, საზღვრისპირა ობიექტების შექმნის ძირითადი სამუშაოები მიმდინარე წლის 2 აპრილისათის უნდა დასრულდეს.
ამ ობიექტებს მშენებლობის დასრულება როგოზინმა პირად კონტროლზე აიყვანა და ასევე გამოვიტა ინიციატივით, რუსეთის მოქალაქეებისათვის საზღვრის გადალახვის რეჟიმის გამარტივებისა და გაიოლების პროცედურის შემოღების დაჩქარებისა.
"ამ საზღვრის სპეციფიკა იმაში მდგომარეობს, რომ იქით მხარეს რუსეთის ფედერაციის მრავალი მოქალაქე ცხოვრობს. ამ გამარტივებაში ამიტომაც არის აზრი", _ აცხადებს როგოზინი და აღნიშნავს, რომ იმ პირობებში, როდესაც აფხაზეთი ვერ უზრუნველყოფს თავისი საზღვრების კონტროლს "რუსეთს სრული უფლება აქვს განახორციელოს სრული კონტროლი ტვირთების შეტანაზე, იმისათვის, რომ იქ ნარკოტიკები და იარაღი არ იყოს".
