Oxfam-ის აზრით, თანამედროვე ეკონომიკურმა სისტემამ მთელი კაცობრიობის ინტერესებზე უნდა იმუშავოს. ბრიტანული საქველმოქმედო ორგანიზაციის განცხადებით, პლანეტის 100-მა უმდიდრესმა ადამიანმა გასულ წელს გამოიმუშავა საკმარისი თანხა საიმისოდ, რასაც შეეძლო საბოლოოდ მოეღო ბოლო სიღარიბისათვის მსოფლიოში. ორგანიზაციის მონაცემებით, ამ ასეულის შემოსავალმა 2012 წელს, 240 მილიარდ დოლარს მიაღწია. ამ დროს კი, ღარიბების უმრავლესობა დღეში 1,25 დოლარზე ნაკლებს გამოიმუშავებს ერთ სულზე.
მომავალ კვირას, მსოფლიო ეკონომიკური ფორუმის გახსნის მოლოდინში, საქველმოქმედო ორგანიზაციამ მსხვილ ბიზნესს და მსოფლიო ლიდერებს სიღარიბის დაძლევისთვის მთელი ძალისხმევის მიმართვისაკენ მოუწოდა. უკანასკნელი 20 წლის განმავლობაში, პლანეტის ყველაზე მდიდარი ადამიანების შემოსავალმა 60 პროცენტით მოიმატა.
როგორც Oxfam-ის მოხსენებაშია ნათქვამი, თანამედროვე გლობალური ეკონომიკა ისე უნდა რეფორმირდეს, რომ მან მთელი კაცობრიობის ინტერესებისთვის იმუშავოს. Oxfam დავოსის ფორუმის მონაწილეებს ურჩევს: დახურონ ყველა საგადასახადო ოაზისები მსოფლიოში, დაადგინონ მინიმალური გლობალური დონე კორპორატიული გადასახადის და გაზარდონ ინვესტიციები საზოგადოებრივი სამსახურების გასავითარებლად.
