ხელვაჩაურის რაიონის სოფელ ავგიაში დღეს ჩაის პლანტაციას ხანძარი გაუჩნდა. ერთ ჰექტარზე მეტ ტერიტორიაზე ცეცხლი დაახლოებით 2 საათის განმავლობაში მძვინვარებდა. შემთხვევის ადგილზე 2 სახანძრო ბრიგადა მუშაობდა. მიუვალი ადგილის გამო, ხანძრის ჩაქრობა მეხანძრეებს გაუჭიანურდათ.
ადგილობრივების ინფორმაციით, აღნიშნულ ტერიტორიაზე ხანძარი ბოლო წლებში ხშირად ჩნდება. ხანძრის შედეგად დამხმარე ნაგებობა და პირუტყვის საკვები დაეწვა დღესვე ამავე რაიონში სოფელ ზანაქიძეებში მცხოვრებ ზვიად ფუტკარაძის ოჯახსაც. ხანძრის გამომწვევ მიზეზებს ხელვაჩაურის რაიონული პოლიცია იძიებს.
