მსოფლიოში ყველაზე თავისუფალი ეკონომიკა ჰონკონგშია. ბრიტნეთის ყოფილი ანკლავი, ჩინეთის იურისდიქციაში გადასვლის შემდეგ, ფორმულით: "ერთი ქვეყანა - ორი სისტემა" - კვლავ ინარჩუნებს ლიდერის პოზიციას ბიზნესის წარმოების კუთხით და მე-19 წელია Heritage Foundation-სა და Wall Street Journal-ის გამოკითხვებში ლიდერობს.
ეკონომიკური თავისუფლების ინდექსის შემდგენელთა მოხსენების მიხედვით, ჰონკონგმა 100 შესაძლებლიდან 99,3 ქულა მოიპოვა, მეორე ადგილზეა სინგაპური - 88 ქულით. ლიდერთა ხუთეულში, რომელთა მაჩვენებელი 80 ქულას აღემატება, ასევე შევიდნენ ავსტრალია, ახალი ზელანდია და შვეიცარია. შემდეგ ადგილებზე არიან კანადა, ჩილე, მავრიკი, დანია და აშშ.
ევროპის უმსხვილესი ეკონომიკა - გერმანია 72,8 ქულით, რეიტინგში მე-13 პოზიციაზეა. საქართველო რეიტინგში 21 პოზიციაზეა, რომელმაც გასული წლის მაჩვენებელი 2,8 პუნქით გაუმჯობესა და 72,2 ქულა აქვს.
დსთ-ს ქვეყნებს შორის ლიდერობს სომხეთი (38-ე ადგილი) 69,4 ქულა, შემდეგ მოდის ყაზახეთი - 68-ე ადგილი 63 ქულით, აზერბაიჯანი 88-ე ადგილი 59,7 ქულით, ყირგიზეთი - 89-ე ადგილი 59,6 ქულით. ჩინეთი რეიტინგი წელს 136-ე ადგილია. რუსეთი თავისუფალი ეკონომიკების რეიტინგში 139-ე ადგილზდა - 51,1 ქულით, ხოლო უკრაია რეიტინგში 170-ე ადფგილზეა და 46,3 ქულა აქვს.
რეიტინგში ყველაზე ბოლო, 177-ე ადგილზე, კორეის სახალხო დემოკრატიული რესპუბლიკაა, რომელსაც 1,5 ქულა აქვს. თუმცა უნდა აღინიშნოს, რომ ქვეყანამ გასული წლის რეიტინგი 0,5 ქულით გაუმჯობესა.