ავტომობილის ერთ-ერთი უმსხვილესი მწარმოებელი Honda Motor-ი აშშ-დან და კანადიდან 777 ათას ავტომობილს გამოიწვევს. საუბარია სხვადასხვა მარკის ავტომობილებზე, რომელთაც უსაფრთხოების ბალიშების დეფექტი გააჩნიათ.
ავტომობილების გამოწვევა თებერვლიდან დაიწყება და ის შეეხება მოდელებს: Honda Odyssey-ს, რომელიც გამოშვებულია 2011-2013 წლებში, ასევე Honda Pilot, რომელიც 2009-2013 წლებშია გამოშვებული. მთლიანობაში კომპანიას აშშ-დან 748 ათას ავტომობილს, ხოლო კანადიდან 29 ათას ავტომობილს გამოიწვევს.
კომპანიის ინფორმაციით, აღნიშნული დეფექტის გამო დღემდე რაიმე სავალალო შემთხვევა დაფიქსირებული არ არის, თუმცა კომპანია ვალდებულია არსებული ხარვეზი გამოასწოროს.
