წუხელ ღამის 12 საათზე ბათუმში ზღვის კურთხევის აიაზმა ჩატარდა, რომელსაც მრევლის განბანვის ტრადიციული ცერემონია მოჰყვა. ბათუმის მოსახლეობა ყოველ 19 იანვარს სანაპიროზე იკრიბება და მოძღვრებთან ერთად განბანვაში მონაწილეობენ. წელს პირველად აჭარის მთავრობის თავმჯდომარე არჩილ ხაბაძეც ჩაერთო ამ ტრადიციაში.
"მე პირადად პირველად მოვახერხე ჩემს თანაქალაქელებთან ერთად განბანვის ცერემონიაში მონაწილეობა და პირველად შევიგრძენი ამ უდიდესი მადლის ძალა და ენერგია. გილოცავთ ნათლისღებას! ღმერთმა ნაკურთხი წყლის მადლი და ნათლისღებით ბოძებული სულისა და ხორცის კურთხევა არ მოგაკლოთ!"-განაცხადა არჩილ ხაბაძემ ზღვიდან ამოსვლის შემდეგ.