რუსმა ოპოზიციონერმა ალექსანდრ დოლმატოვმა როტერდამში თავი მოიკლა. დოლმატოვის ადვოკატის მარკ ვეილხარდელის განცხადებით, მოძრაობა "დრუგაია რასიას" აქტივისტმა როტერდამში მდებარე გამანაწილებელ ცენტრში, სავარაუდოდ, თავი მოიკლა.
უნდა აღინიშნოს, რომ ბი-ბი-სის ინფორმაცით, რომელიც ჰოლანდიის დევნილთა საქმების საერთაშორისო ქსელის ხელმძღვანელის გერდ ატესის განცხადებით, დოლმატოვი რამდენჯერმე შეეცადა თავის მოკვლას და ბოლოს მას სუიციდის მცდელობა 13 იანვარს ჰქონდა.
2012 წლის 6 მაისი "ბალოტნიზე" გამართული აქციის ერთ-ერთი აქტივისტი ნიდერლანდებში პოლიტიკურ თავშესაფარს ითხოვდა.
ნიდერლანდების ხელისუფლებამ, საიდუმლო სარაკეტო საწარმოს - "კორპორაცია "ტაქტიკური სარაკეტო შიარაღება" ყოფილ კონსტრუქტორს პოლიტიკური თავშესაფარის მიცემაზე უარის უთხრა.
რამდენიმე დღის წინ იგი ამსტერდამიდან როტერდამის გამანაწილებელ ცენტრში გადაიყვანეს.
როგორც დასავლური მედია იუწყება იგი ფლობდა ინფორმაციას, რომ მას რუსეთში ექსტრადირება ემუქრებოდა. არ კონკერეტდება ვერსიები თუ რა შეიძლება გამხდარიყო დოლმატოვის თვითმკვლელობის მიზეზი, მაგრამ ერთ-ერთი ვერსიით მისი სუიციდის მიზეზი რუსეთში დაბრუნების საფრთხე გახდა.
