ამნისტიის შედეგად პოლიტპატიმრის სტატუსით გათავისუფლებული უფლებადამცველი ლევან გოგიჩაიშვილი უდანაშაულობის პრეზუმციის დარღვევის გამო პრეზიდენტ მიხეილ სააკაშვილისა და საპარლამენტო უმცირესობის წევრის გივი თარგამაძის წინააღმდეგ სასასამართლოში სარჩელის შეტანას გეგმავს. როგორც გოგიჩაიშვილმა "მაესტროს" პრესკლუბში განაცხადა, აპირებს, მორალური ზიანის ანაზღაურება და მათაგნ ბოდიშის მოხდა მოითხოვოს.
მისი თქმით, ვიდრე ადამიანის მიმართ სასამართლოს განაჩენი გამოტანილი არ იქნება, ის უდანაშაულოდ ითვლება. "ამ ადამიანებმა კი მე რამდენჯერმე მიწოდეს კრიმინალი ჯერ კიდევ მაშინ, ვიდრე სასამართლო განაჩენს გამოიტანდა".
"ვაპირებ, შევიტანო სარჩელი მათ წინააღმდეგ და მორალური ზიანის ანაზღაურება და ბოდიშის მოხდა მოვითხოვო", - განაცხადა გოგიჩაიშვილმა.
მისივე თქმით, სარჩელი მომზადდება ასევე რამდენიმე ჟურნალისტის წინააღმდეგაც, რომელიც მასზე მიკერძოებულ სიუჟეტებს ამზადებდნენ.
გარდა ამისა, გოგიჩაიშვილი მისი საქმის ხელახლა გადახედვის მიზნით სასამართლოსთვის მიმართვასაც აპირებს, თუმცა, როგორც მან დღეს განმარტა, ეს საკმაოდ ხანგრძლივი პროცედურაა და სერიოზულ სამართლებრივ მომზადებას მოითხოვს.