ქუთაისის საკრებულოს ფრაქცია "ქრისტიან დემოკრატიული მოძრაობის" ყოფილი წევრი გიორგი გოგელაშვილი "ნაციონალურ მოძრაობაში" გაწევრიანდა. ნაციონალების ახალი წევრი დღეს საქართველოს პრეზიდენტმა მიხეილ სააკაშვილმა მიიღო და მას მხარდაჭერისათვის მადლობა გადაუხადა.
"მადლობთ, რომ "ნაციონალურ მოძრაობას" შემოუერთდით. ამ დროს ეს ჩვენ პარტიას განსაკუთრებით ჭირდება. Aამას ვამბობ, როგორც "ნაციონალური მოძრაობის" ლიდერი, ისე ქვეყნის პრეზიდენტი, რომლისთვისაც მნიშვნელოვანია, რომ იყოს ეფექტური მთავრობა და ოპოზიცია. ის, რომ ამ დღეებში არის ისტერიული ზეწოლა ადგილობრივ თვითმმართველ ორგანოებზე, ხალხს აშანტაჟებენ, ატერორებენ, იჭერენ სხავადსხვა მეთოდების გამოყენებით, ამ პირობებში სამი ადამიანის შემოერთება ორ რამეს ნიშნავს. იმას, რომ ქუთაისელები ძალიან მაგრები ხართ და მეორე ის, რომ ალბათ სწორედ ამ ქალაქში უნდა დაიწყოს პარტიის ხელახალი გაძლიერება", - განაცხდა პრეზიდენტმა.
როგორც თავად გიორგი გოგელაშვილმა აღნიშნა, მას სურს ქვეყნის განვითარებისა და გაძლიერების კურსი "ნაციონალურ მოძრაობასთან" ერთად გააგრძელოს.
შეგახსენებთ, რომ გიორგი გოგელაშვილმა "ქრისტიან დემოკრატიული მოძრაობა" გუშინ დატოვა.
