,,არ დავუშვათ იმ ყველაფრის ძირის გამოთხრა რასაც წლების განმავლობაში რუდუნებით ვაშენებდით", _განაცხადა ჟურნალისტებთან მიხეილ სააკაშვილმა, რომელიც საშობაო წირვა-ლოცვას სამების საკათედრო ტაძარში დაესწრო და იქ შეკრებილ მრევლსა და სრულიად საქართველოს ქრისტეშობის ბრწყინვალე დღესასწაული მიულოცა.
,,მინდა ვუსურვო ყველა ჩვენგანს რომ ყოველ ახალ წელს ვხვდებოდეთ უკეთესი განწყობით, ყოველ შობას ვხვდებოდეთ მეტი ოპტიმიზმით. Mმინდა ვისურვო წლევანდელი წლისთვის, რომ არ დავუშვათ იმ ყველაფრის ძირის გამოთხრა რასაც წლების განმავლობაში რუდუნებით ვაშენებდით, არ დავუშვათ ის ნგრევა, როლითაც გვემუქრებიან, არ დავუშვათ ქვეყნის უკან დაბრუნება და წარსულთან დაწყებული პაემანი, არასასურველი პაემანი საქართველომ ერთხელ და სამუდამოდ დაასრულოს", _ განაცხადა ჟურნალისტებთან პრეზიდენტმა და აღნიშნა, რომ ქვეყანა ორიენტირებული უნდა იყოს წინსვლაზე.
,,ჩვენ ორიენტირებული უნდა ვიყოთ მომავალზე. შობა ეს არის მომავლის ზეიმი, ახლის დაწყება. ჩვენ არასდროს არ უნდა დაგვაბრუნონ წარსულში, წარსული არ უნდა გაგვეხსნას და უნდა გაგვიშვან მომავალში. Aამ მხრივ, საქართველოს სერიოზული გამოწვევები აქვს. მე ვარ რეალისტი, მაგრამ ამავე დროს ვარ ოპტიმისტი და მიმაჩნია, რომ ყველანაირ სიძნელეებს გადავლახავთ, ყველანაირ შესაძლო რისკებს საქართველო გვერდზე გაწევს და გააგრძელებს განვითარებას, რადგან ჩვენი ხალხი ამას იმსახურებს", _ განაცხადა პრეზიდენტმა.