,,საქართველოს ევროპული მომავალი შეუქცევადი გახდა", - წერს Facebook-ის გვერდზე ევროკავშირში საქართვეოს ყოფილი ელჩი სალომე სამადაშვილი, რომელიც ევროკავშირში ელჩად მის მოღვაწეობის აჯამებს.
,,ძვირფასო მეგობრებო, გაცნობებთ, რომ უახლოეს მომავალში დავტოვებ ევროკავშირში საქართველოს მისიის ხელმძღვანელის, ბელგიის სამეფოსა და ლუქსემბურგის დიდ საჰერცოგოში საქართველოს ელჩის თანამდებობას. ვსარგებლობ შემთხვევით და ვაქვეყნებ წერილს, რომელშიც ევროპარლამენტარების საინციატივო ჯგუფი, ბრიუსელში საქართველოს ელჩის მეტად საპასუხისმგებლო თანამდებობაზე ჩემს მოღვაწეობას, საკუთარ შეფასებას აძლევს. წერილს ხელს აწერს ევროპარლამენტში არსებული ყველა ძირითადი პოლიტიკური ძალის წარმოამდგენელი, მათ შორის საქართველოს დღევანდელი მმართველი პარტიის პოლიტიკური პარტნიოროები. ვფიქრობ, რომ აღნიშნული წერილი ყველაზე კარგად გასცემს პასუხს იმ პრეტენზიებს, რაც ჩემი "ვიწროპარტიული" ინტერესების დაცვის თაობაზე გაჟღერდა. ვიმედოვნებ, რომ ბრიუსელში ჩემი მოღვაწეობის შვიდი წლის მანძილზე, საქართველოსა და ევროკავშირს შორის ურთიერთობებში მივაღწიეთ იმ ეტაპს, როდესაც, საქართველოს მთავრობიდან შესაბამისი პოლიტიკური ნების არსებობის შემთხვევაში, საქართველოს ევროპული მომავალი შეუქცევადი გახდა. მადლობას ვუხდი ჩვენი საელჩოს ყველა თანამშრომელს, საკუთარი ქვეყნის საკეთილდღეოდ, დავდაუზოგავი შრომისათვის. ვთვლი, რომ საქართველოს სახელმწიფოებრიობის ერთადერთი მყარი გარანტიის მისაღებად, ქვეყნის ევრო-ატლანტიკურ სივრცეში ინტეგრაციისათვის ბრძოლაში მონაწილოების მიღება და თანამდროვე ისტორიის ურთულეს ვითარებებში ჩემი ქვეყნის ინტერესების დაცვა, დიდი პრივილეგია იყო. იმედი მაქვს, რომ მომავალშიც მომეცემა შესაძლებლობა ვემსახურო ჩემს სამშობლოს და ჩემს ხალხს", _წერს სალომე სამადაშვილი.
შეგახსენებთ, რომ თანამდებობა რამდენიმე ელჩმა დატოვა. მათ შორისაა ევროკავშირში საქართველოს ელჩი სალომე სამადაშვილი. როგორც სამადაშვილი ჟურნალისტებთან განმარტავს მას თანამდებობა საკუთარი სურვილით არ დაუტოვებია და შესაბამისი უწყების განკარგულება უახლოეს მომავალში გახდება ცნობილი.