,,ჩვენ ვერ შეგვაშინებენ ვერც დაჭერით, ვერც შანტაჟით. ვინც ამის უკან დგას მინდა ვუთხრა, რომ მე არ მეშინია დამიჭირეთ, აგერ ვარ თუ თქვენი მიზანი ეგ არის", _ განაცხადა ჟურნალისტებთან საკანონმდებლო ორგანოში როლანდ ახალაიამ და აღნიშნა, რომ იგი პროკურატურაში დაკითხვაზე მისვლას არ აპირებს.
,,მზად ვარ, ყველა კითხვას პასუხი გავცე, მაგრამ ჩემი სურვილია კითხვები იყოს საჯარო და პასუხებიც იყოს საჯარო. Mმე ვარ, ზუგდიდის რაიონის მაჟორიტარი დეპუტატი, ხალხის მიერ არჩეული, ამიტომ ვინმეს, რომ არ დარჩეს შთაბეჭდილება, თითქოს რაიმე უკანონობა ჩავიდინე ყველა კითხვას საჯაროდ გავცემ პასუხს. Mმთელი ჩემი ცხოვრება, ჩემი მთელი მუშაობის პერიოდი უკანონობასა და კორუფციას ვებრძოდი", - განაცხადა ჟურნალისტებთან საკანონმდებლო ორგანოში როლანდ ახალაიამ და აღნიშნა, რომ მისი ოჯახი ტერორის ქვეშაა.
,, არჩევნების შემდეგ როგორც ბატონმა ალასანიამ შემომითვალა მას დაახლოებით არჩევნებზე 15 000 ხმით მოვუგე და არჩევნებს თუ არ ჩამოვშორდებოდი და წაგებას არ ვაღიარებდი დაჭერით მემუქრებოდა", _ განაცხადა ჟურნალისტებთან ახალაიამ.
შეგახსენებთ, რომ ზუგდიდის მაჟორიტარი დეპუტატი როლანდ ახალაია დაკითხვაზე ზუგდიდის საოლქო პროკურატურაშია დაბარებული.