"ქართული ოცნების" აქტივისტები ქედის გამგეობისა და საკრებულოს თანამშრომლებს თანამდებობების დატოვებისკენ მოუწოდებენ, - ამ მოთხოვნით ქედის მუნიციპალიტეტის გამგეობის შენობის წინ საპროტესტო აქცია გაიმართა.
აქციის მონაწილეები თემის რწმუნებულების გადადგომასაც მოითხოვდნენ.
ქედის გამგებელი ვაჟა ბოლქვაძე საკუთარი ნებით პოსტის დატოვებას არ აპირებს. მისივე განმარტებით, გადადგომას მას "ქართული ოცნების" ქედის შტაბის წევრები სთხოვენ.
აქცია გამგეობის შენობასთან ერთ საათს გაგრძელდა. აქტივისტები იმ პირობით დაიშალნენ, რომ მათი მოთხოვნა ახალ წლამდე დაკმაყოფილდება. წინააღმდეგ შემთხვევაში, ისინი პროტესტის მკაცრი ზომების გატარებას გეგმავენ.
დღესვე აქციის მონაწილეებმა გამგებელის კანდიდატურაც დაასახელეს. აქციის მონაწილეების თქმით, ეს პოსტი კოალიციის წევრმა ჯამბულ შარაბიძემ უნდა დაიკავოს. ჯამბულ შარაბიძე აქციაში არ მონაწილეობდა.
