საქართველო 2014 წელს დაგეგმილ სოჭის ოლიმპიადაში მონაწილეობას მიიღებს, _ აღნიშნულის შესახებ ჟურნალისტებთან ბიძინა ივანიშვილმა განაცხადა და აღნიშნა, რომ ქართულ მხარეს, თუ რუსეთთან ურთიერთობის დალაგება სურს სოჭის ოლიმპიადაში მონაწილეობა უნდა მიიღოს.
,,საქართველო, რა თქმა უნდა, მონაწილეობას მიიღებს სოჭის ოლიმპიადაში. რუსეთთან თუ ურთიერთობის დალაგება გვინდა და ამ დროს ოლიმპიადაზე უარს ვმბობთ. ძველი საბერძნეთი გავიხსენე, როდესაც პასუხი გავეცი ამ კითხვას, ომები ჩერდებოდა და წყდებოდა ოლიმპიადების დროს და ჩვენ რა გვჭირს ისეთი, რომ ოლიმპიადაში მონაწილეობა ვერ მივიღოთ და ჩვენი სპორტსმენები დავსაჯოთ და არც სტრატეგია არ შევქმნათ, რომ რუსეთთან დავალაგოთ ურთიერთობა და მეგობრული ურთიერთობა აღვადგინოთ", _ განაცხადა პრემიერ-მინისტრმა ივანიშვილმა.
შეგახსენებთ, რომ სოჭის ოლიმპიადა 2014 წელს არის დაგეგმილი.
