რუსეთის პრეზიდენტის პრესკონფერენცია და საქართველოზე გამოთქმულ მოსაზრებები ვფიქრობ, რომ იყო ფრთხილი და პოზიტიური. ამის შესახებ საქართველოს პრემიერ-მინისტრმა ბიძინა ივანიშვილმა ჟურნალისტებთან შეხვედრისას განაცხადა.
მისი თქმით საქათველო რუსეთთან მიმართებაში იქნება კოსტრუქციული.
პრემიერმა ყურადღება გაამახვილა რუსეთის საგარეო საქმეთა სამინისტროს განცხადებაზე, რომლის მიხედვითაც სავაჭრო ურთიერთობები შესაძლოა შეუზღუდავად აღდგეს და დასძინა, რომ "კომერციულმა სტრუქტურებმა უკვე დაიწყეს მოძრაობა რუსეთის მიმართულებით".
"თუ როგორი იქნება პერსპექტივა საკმაოდ რთულია, ისევე როგორც ადრე ვაცხადებდი, იგივე შემიძლია დღესაც გავიმეორო, თუმცა ძალიან პოზიტიურია ის ნაბიჯები რაც მოხდა რუსეთის მხრიდან", - განაცხადა ივანიშვილმა.
მან ასევე აღნიშნა, რომ არსებული ჩიხურური მდომარეობიდან გამოსვლა რთულია.
"ამ ჩიხურ მდგომარეობაში შესვლა ძალიან იოლი იყო, გამოსვლა - რთულია. ჩვენი გადმოსახედიდან გასაგებია ჩვენ რა გვინდა და რატომ გვინდა", - განაცხადა პრემიერ მინისტრმა.
ივანიშვილმა განმარტა, რომ რუსეთის ხელისუფლების მხრიდან აფხაზეთისა და ე.წ. სამხრეთ ოსეთის აღიარებაზე უარის თქმის სურვილიც რომ გაჩნდეს, ესეც საკმაოდ რთული იქნება, რადგან ხელისუფლებას ელექტორატისთვის ანგარიშის გაწევა მოუწევს.
"სურვილიც რომ გაუჩნდეს რუსეთის პოლიტიკურ ხელმძღვანელობას, რომ უარი თქვას მასზე, რაც უკვე განაცხადა - აღიარება მაქვს მხედვბელობაში, ოსეთის და აფხაზეთის რესპუბლიკების - მათ რომ გაუჩნდეთ სურვილი მათაც ჰყავთ ელექტრორატი და გადაწყვეტილების მიღება არ იქნება მარტივი. თუმცა მე არანაიორი ინფორმაცია ამაზე არ გამაჩნია. მე მხოლოდ ხაზს ვუსავამ პროცესების სირთულეს. არ უნდა გაგვიჩნდეს ისეთი განცდა რომ ეს მოხდეს სწრაფად და მყისიერად. თუმც არაფრის გამორიცხვა არ შეიძლება", - განაცხადა პრემიერმა.
