საქართველოს პრემიერ-მინისტრმა, დღეს გამართულ პრესკონფერენციაზე განაცხადა, რომ 100 კილოვატზე ელექტროენერგიის ტარიფი 27 პროცენტით, ხოლო 300 კილოვატზე 21,5 პროცენტით შემცირდება. ივანიშვილის განმარტებით, ტარიფების კლება, სავარაუდოდ, იანვრიდან მოხდება.
პრემიერის განცხადებით, ამ მიმართულებით კარგად იმუშავა ენერგეტიკის და ბუნებრივი რესურსების მინისტრმა, კახა კალაძემ, რომელსაც ივანიშვილმა მადლობა გადაუხადა. „ვფიქრობ, ეს დიდი შეღავათი იქნება საქართველოს მოსახლეობისთვის," - აღნიშნა ივანიშვილმა.