ბელგიის დედაქალაქ ბრიუსელში ხელი მოეწერა ბელგიის სამეფოში საქართველოს საელჩოს საჭიროებისათვის უძრავი ქონების - საელჩოს შენობის შეძენის ხელშეკრულებას.
საქართველოს საგარეო საქმეთა სამინისტროს ინფორმაციით, საევროპის ერთ-ერთ პოლიტიკურად უმნიშვნელოვანეს ქალაქში, სადაც მდებარეობს ევროპის კავშირის, NATO-ს და სხვა საერთაშორისო ორგანიზაციების შტაბ-ბინები, საქართველოს სახელმწიფოს საკუთრებაში ექნება თანამედროვე სტანდარტების შესაფერისი შენობა, სადაც ქართველ დიპლომატებს ყველა პირობა ექნებათ საქმიანობისთვის. ახლადშეძენილი შენობა ბელგიის შესაბამის სახელმწიფო ინსტიტუტებთან და საერთაშორისო ორგანიზაციების ოფისებთან ახლოს მდებარეობს.
"მნიშვნელოვანია ის გარემოებაც, რომ საელჩო შეძენილია შესაბამის გეოგრაფიულ არეალში უძრავ ქონებაზე არსებულ საბაზრო ღირებულებასთან შედარებით იაფად და სახელმწიფო მომავალში დაზოგავს სახსრებს, რომლებიც ყოველწლიურად გამოიყოფოდა საელჩოს საჭიროებისათვის შენობის ქირავნობის მიზნით", - აცხაბენე სამინისტროში. .
