აზერბაიჯანის პრეზიდენტმა საქართველოს პრეზიდენტს დღეს დაბადების დღე მიულოცა. აზერბაიჯანული მედიის ინფორმაციით, ილჰამ ალიევმა მიხეილ სააკაშვილს დაურეკა და დაბადების დღე პირადად მიულოცა. ილჰამ ალიევმა სააკაშვილს წარმატებები და ჯანმრთელობა უსურვა.
თავის მხრივ კი მიხეილ სააკაშვილმა, თავის აზერბაიჯანელ კოლეგას მადლობა გადაუხადა. ქვეყნის მეთაურებმა საუბრისას გამოხატეს რწმენა, რომ ორი ქვეყნის ურთიერთობები კიდევ უფრო მჭიდრო გახდება.
შეგახსენებთ, რომ საქართველოს პრეზიდენტი, დღეს 21 დეკემბერს 45 წლის გახდა.
