,ხალხმა დაინახა, რომ მიშა მაგარი არ ყოფილა, რაც კვლევის შედეგზეც აისახა", - განაცხადა ,,ჯი-ეიჩ-ენთან" საუბარში ,,ქდმ"-ს ერთ-ერთმა ლიდერმა ლევან ვეფხვაძემ NDI-ის კვლევის კომენტირებისას და აღნიშნა, რომ მიხეილ სააკაშვილისა და ,,ნაციონალური მოძრაობის" უძლეველობის მითი დაიმსხვა.
,,მარცხი, რომელიც ,,ნაციონალურმა მოძრაობამ" განიცადა და მითი, რომელიც პარტიის უძლეველობასთან დაკავშირებით არსებობდა დაიმსხვრა. ისევე როგორც სააკაშვილის მითი, რომ ის არის უძლეველი და დაუმარცხებელი, რაც პირდაპირ აისახა ამომრჩევლის განწყობაზე. როგორც აღმოჩნდა მიშა არ ყოფილა მაგარი, ეს ყველაფერი ხალხმა დაინახა, რაც კვლევის შედეგებშიც აისახა", _ განაცხადა ვეფხვაძემ.
შეგახსენებთ, რომ NDI-ის კვლევის თანახმად, აგვისტოში ჩატარებულ კვლევასთან შედარებით ,,ნაციონალური მოძრაობის" მაჩვენებელი მნიშვნელოვნადაა შემცირებული. ხოლო მიხეილ სააკაშვილის მოწონების მაჩვენებელი 61%-დან-29%-მდე შემცირდა.