პრემიერ-მინისტრის სპეციალური წარმომადგენელი ზურაბ აბაშიძე არ გამორიცხავს, რომ რუსულ მხარესთან მოკალაპარკებები შვეიცარიაში წარიმართოს. როგორზ ზურაბ აბაშიძემ განმარტა, შეხვედრის ზუსტი ადგილი და დრო განსაზღვრული არაა, თუმცა წინასწარი ინფორმაციით, ის შეხვედრას გამართავს საგარეო საქმეთა მინისტრის მოადგილესთან გრიგორი კარასინთან.
„მოგეხსენებათ, გუშინ რუსეთი საგარეო საქმეთა მინისტრმა გააკეთა განცხადება, რომ უახლოეს ხანებში იგეგმება შეხვედრა საქართველოსა და რუსეთის წარმომადგენლების. ჩვენ ამ ინფორმაციას ვადასტურებთ და მართლაც მოგახსენებთ, რომ ასეთი შეხვედრა უახლოეს ხანებში მართლაც იგეგმება. ევროპაში ჩვენი შეხვედრის ადგილი და დრო უახლოეს მომავალში იქნება ცნობილი. მინდა ავღნიშნო, რომ ჩვენ დადებითად აღვიქვით სერგეი ლავროვის კომენტარი იმის თაობაზე, რომ მოსკოვი მზადაა საქართველოსთან სავაჭრო-ეკონომიკური ურთიერთობები აღადგინოს"- განაცხადა აბაშიძემ.