საქართველოს პარლამენტში სოფლის მეურნეობის მინისტრი დავით კირვალიძე უმრავლესობის წევრ მაჟორიტარ დეპუტატებს შეხვდა. მინისტრმა პარლამენტარებს მთავრობის მიერ დასახული გეგმები გააცნო და ახალ პროექტებზე ინფორმაცია მიაწოდა. დეპუტატები დაინტერესდნენ საირიგაციო არხების რეაბილ
იტაციის მიმდინარე პროექტით, რომელიც სამინისტროს ინიციატივით ინტენსიურად მიმდინარეობს. პარლამენტის წევრები ასევე ევროკავშირის ახალი პროექტით დაინტერესდნენ, რომელიც საქართველოს სოფლის მეურნეობის სფეროს დასახმარებლად 40 მილიონი ევროს გამოყოფას გულისხმობს.
დავით კირვალიძემ შეხვედრაზე ვრცლად ისაუბრა რეგიონების მიხედვით დაგეგმილ სამუშაოებსა და საგაზაფხულო ხვნა-თესვის პროგრამაზე. მინისტრმა ყურადღება გაამახვილა მექანიზაციის პროექტის განხორციელებაზე, რომლის ფარგლებშიც კვალიფიკაციას 500-მდე მექანიზატორი აიმაღლებს.