დღეს, 7 დეკემბერს, პარლამენტი ახალ სახალხო დამცველს აირჩევს. პლენარულ სხდომაზე კენჭს უყრიან მხოლოდ ერთ კანდიდატს - უჩა ნანუაშვილს.
ომბუდსმენის თანამდებობაზე ნანუაშვილის კანდიდატურას საპარლამენტო უმრავლესობა უჭერს მხარს.
მიუხედავად იმისა, რომ "ერთიანი ნაციონალური მოძრაობა" სახალხო დამცველის თანამდებობაზე თამარ გურჩიანის კანდიდატურას უჭერდა მხარს, ოპოზიცია ომბუდსმენობის საკუთარ კანდიდატს არ დაასახელებს. თუმცა უმცირესობა არც ნანუაშვილის მხარდაჭერას აპირებს.
ნანუაშვილს ადამიანის უფლებათა დაცვის კომიტეტის სხდომაზე მოუსმინეს. მან საპარლამენტო უმცირესობის შეკითხვებსაც უპასუხა.
შეგახსენებთ: ომბუდსმენის პოსტზე, უჩა ნანუაშვილის გარდა, კიდევ 6 კანდიდატი სახელდებოდა: თამარ გურჩიანი, გელა ნიკოლეიშვილი, ლია მუხაშავრია, ნიკა ხატისკაცი, დიმიტრი ლორთქიფანიძე, ნათია იმნაძე.
