"დემოკრატიული მოძრაობა" საქართველოს პარლამენტის მიერ მიღებულ დაგენილებას, ,,პოლიტიკური ნიშნით დაპატიმრებულ დადევნილ პირთა თაობაზე" მიესალმება და მიიჩნევს, რომ საქართველოს პარლამენტის მიერ 2012 წლის 5 დეკემბერს მიღებულ დადგენილება „პოლიტიკური ნიშნით დაპატიმრებულ და დევნილ პირთა თაობაზე", ქვეყანაში სამართლიანობის აღდგენის პროცესის უმნიშვნელოვანესი ნაბიჯია.
როგორც გავრცელებულ განცხადებაშია აღნიშნული „ნაციონალური მოძრაობის" მზაკვრული მცდელობების მიუხედავად, რომ როგორმე მომხდარიყო პროცესის დისკრედიტაცია ადამიანის უფლებათა დაცვის საპარლამენტო კომიტეტის თავმჯდომარის ქალბატონი ეკა ბესელიას, ცალკეული დეპუტატების, უფლებადაცვითი ორგანიზაციებისა და ცალკეული უფლებადამცველების მიერ დაკავებულმა უკომპრომისო, ღირსეულმა და სამართლიანმა პოზიციამ, მათ მიერ გაწეულმა უდიდესმა შრომამ და საზოგადოების ერთმნიშვნელოვანმა მხარდაჭერამ, სასურველი შედეგი გამოიღო.
განცხადების თანახმად, ჩვენ მოხარულნი ვართ, რომ „დემოკრატიული მოძრაობისა" და „სახალხო კრების" სიებთან დაკავშირებით მთელი ამ ხნის მანძილზე, არცერთ ადამიანს შეკითხვები არ გასჩენიათ, თუმცა ჩვენ არასოდეს გაგვირჩევია ერთმანეთისაგან „ჩვენი" და „სხვისი" პოლიტიკური ნიშნით რეპრესირებული ადამიანები.
„დემოკრატიული მოძრაობა" მიიჩნევს, რომ ახლა უმნიშვნელოვანესია შეწყდეს პოლიტპატიმრებისა და პოლიტიკური ნიშნით დევნილთა მიმართ სისხლის სამართლებრივი დევნა და დარწმუნებულია, რომსაქართველოს პარლამენტი უმოკლეს ვადაში დაამტკიცებს ამინისტიის კანონპროექტს და მასში შეიტანილ შესაბამის ცვლილებებს, რაც შექმნის ამ ადამიანების პოლიტიკური დევნის დასრულების რეალურ მექანიზმს.
მოძრაობა მივესალმებაადამიანის უფლებათა კომიტეტთან არსებული კომისიის მანდატის გაგრძელებასთან დაკავშირებით მიღებულ გადაწყვეტილებას და იმედს გამოვთქვამს, რომ პარლამენტის ადამიანის უფლებათადაცვის კომიტეტი შემდგომ ეტაპად, აუცილებლად განიხილავს იმ ადამიანების პოლიტიკური რეაბილიტაციის საკითხს, რომელთაც ნაციონალური ხელისუფლების მხრიდან პოლიტიკური დევნის საფუძველზე უკვე მოიხადეს სასჯელი, _ ნათქვამია განცხადებაში.