საქართველოს პრეზიდენტი ხვალ, 27 ნოემბერს, უკრაინას ეწვევა. უკრაინაში მიხეილ სააკაშვილი მონაწილეობას მიიღებს არსენ იაცენიუკის ფონდის „აღმოაჩინე უკრაინა"-ს დიპლომატიურ კლუბში, ამის შესახებ ინფორმაციას თავად იაცენიუკის პარტიის პრესამსახური ავრცელებს.
„27 ნოემბერს ფონდი „აღმოაჩინე უკრაინა" ატარებს მორიგ დიპლომატიურ კლუბს და მასში მონაწილეობას თავად ფონდის დამფუძნებელი და საქართველოს პრეზიდენტი მიხეილ სააკაშვილი მიიღებენ"- აცხადებენ კლუბის ორგანიზატორები.
აღნიშნული ღონისძიების თემააა „რეგიონი გზაჯვარედინზე: ევროპული პერსპექტივა საქართველოსათვის და უკრაინისათვის".
საკუთარ გამოსვლებში სააკაშვილი და იაცენიუკი ყურადღებას გაამახვილებენ საქართველოსა და უკრაინის ურთიერთობებზე ევროკავშირთან და ასევე თავად ევროპის როლზე ამ სახელმწიფოების განვითარებაში.
მათი გამოსვლების შემდეგ კი დაგეგმილია დისკუსია.
