ნატოს მინისტერიალის მხრიდან საქართველოში დემოკრატიული პროცესების ღიად აღიარება დეკემბერში დაგეგმილ მინისტერიალის შედეგებზე გავლენას მოადენს, -განაცხადა ჟურნალისტებთან დიდი ბრითანეთის მინისტრმა ევროპის საკითხებში დევიდ ლიდიგტონმა.
,,მინისტერიალი, თუ მხედველობაში მიიღებს საქართველოში მიმდინარე დემოკრატიულ პროცესებს და ამას ღიად აღიარებს, ეს აღიარება მნიშვნელოვან გავლენას მოახდენს მინისტერიალის შედეგებზე და შესაბამის ასახვას ჰპოვებს ნატოს რეზოლუციაში", -განაცხადა დევიდ ლიდიგტონმა.
შეგახსენებთ, რომ საქართველოში ვიზიტის ფარგლებში დევიდ ლიდიგტონი მაია ფანჯიკიძეს შეხვდა. ვიზიტის ფარგლებში დაგეგმილია შეხვედრები საქართველოს პრეზიდენტთან,პრემიერ-მინისტრთან, უშიშრობის საბჭოს მდივანთან და მთავრობისა და სამოქალაქო სექტორის წარმომადგენლებთან. საქართველოში ვიზიტის ფარგლებში დიდი ბრიტანეთის მინისტრი ევროპის საკითხებში ევროპის სადამკვირვებლო მისიის ოფისსაც ეწვევა და მისიაში მონაწილე ბრიტანულ კონტიგენტს შეხვდება.
