გაზეთ "რეზონანსის" ინფორმაციით, შრომის, ჯანმრთელობისა და სოციალური დაცვის მინისტრი დავით სერგეენკო დაკავებული თანამდებობიდან გადადგა, მაგრამ ამ ეტაპზე ინფორმაციის გახმაურებისგან თავს იკავებენ, სანამ მისი შემცვლელი არ მოიძებნება.
გამოცემა წყაროებზე დაყრდნობით წერს, რომ უთანხმოება მმართველ გუნდსა და სერგეენკოს შორის გასულ კვირას დაიწყო, როდესაც მინისტრს უთხრეს, რომ ნაქირავებ ბინებში შესახლებულ დევნილებს მხოლოდ ერთი თვის ქირით უზრუნველყოფდნენ. "სერგეენკო თვლის, რომ ახალი მთავრობის სოციალური დაპირებების შესრულება არსებულ ვითარებაში შეუძლებელია და სწორედ ამის გამო ტოვებს თანამდებობას".
დავით სერგეენკო ამ პოსტზე მეორე მინისტრია რომელმაც თანამდებობა დატოვა. მისი წინამორბედი ამირან გამყრელიძე ამ პოსტზე სულ რამდენიმე დღის მანძილზე მუშაობდა.
