"მთავრობას გადავეცი გზავნილი, რომ მზად ვარ ახალ უმრავლესობას დავეხმარო წარმატების მიღწევაში", _ განაცხადა საქართველოს პრეზიდენტმა მიხეილ სააკაშვილმა ავლაბრის რეზიდენციაში ახალგაზრდებთან შეხვედრისას.
"ქართველები ვართ და ყველას უნდა გვინდოდეს ჩვენი ქვეყნის წარმატება, რათა საქართველო გახდეს ნორმალური, დემოკრატიული სახელმწიფო, რომელიც ინტეგრირებული იქნება თავისუფალი ერების ოჯახში, რომლისგანაც წესით განცალკევებული არ უნდა ყოფილიყო. ეს შემოთავაზება და მხარდაჭერა ისეთი მართებულია, როგორც არასდროს და იმედი მაქვს, ახალი მთავრობა მიღწეული წარმატებების განვითარებას გააგრძელებს, მათი განადგურების ნაცვლად", _ განაცხადა პრეზიდენტმა.