"ამბობდნენ, სააკაშვილმა იმიტომ გამოაცხადა, რომ შეიცვალა მთავრობა, ამერიკელებმა დაურეკესო - ეს არის სრული სისულელე", - განაცხადა საქართველოს პრეზიდენტმა მიხეილ სააკაშვილმა ავლაბრის რეზიდენციაში ახალგაზრდებთან შეხვედრისას.
მისი განცხადებით, საქართველო გზაჯვარედინზე დგას და წლევანდელი საპარლამენტო არჩევნებით საქართველოს ისტორიაში პირველად მოხდა ხავერდოვანი და კონსტიტუციური გზით ძალაუფლების გადაცემა.
"მე არავის დარეკვა არ მჭირდება. ამერიკელები ჩვენზე მეტად იყვნენ დაბნეულნი არჩევნების შედეგებით, ამიტომ არავინ არ დამირეკავდა. მე მივიღე ჩემით ეს გადაწყვეტილება, რადგან მინდოდა აგვეშენებინა დემოკრატიული სისტემა, სადაც შეიძლება აირჩიონ ახალი უმრავლესობა, ქვეყნის სათავეში კი მოვიდეს ახლი მთავრობა. არა გადატრიალებით, მანიპულაციით, რევოლუციით, არამედ არჩევნების გზით, კონსტიტუციური პროცესით, საქართველოსთან ინსტიტუტების ფარგლებში და არა მათთან წინააღმდეგობით", - განაცხადა სააკაშვილმა ავლაბრის რეზიდენციაში ახალგაზრდებთან შეხვედრისას.