,,საქართველოში ადამიანებს მეგობრობისა და პოლიტიკური შეხედულების გამო არ უნდა იჭერდნენ", -განაცხადა ,,პრაიმტაიმის" პრესკლუბში სტუმრობისას შსს გენერალური ინსპექციის ყოფილმა უფროსმა, რომელმაც აღნიშნა, რომ იგი შსს ყოფილი მინისტრის ბაჩო ახალაიასთან მეგობრობის გამო ისჯება.
მისივე განცხადებით, ნარკოტიკები და იარაღი, რომელიც სამართალდამცავებმა ამოიღეს მას არ ეკუთვნის.
,,მინდა იმ არაკაცებს ვუთხრა ერთი რაღაც, ასეთი რამ საქართველოში არ უნდა მოხდეს, ეყოთ ვაჟკაცობა იმ ხალხს, რომელიც თვლიდა თავს, რომ ჩემი მეგობარი იყო და ახლოს მიცნობდა თქვან, ეს ყველაფერი რატომ, რის გამო მოხდა. დღეს, საქართველოში მეგობრობისა და პოლიტიკური შეხედულების გამო ხალხს არ უნდა იჭერდნენ", _ განაცხადა თენგიზ გუნავამ.
შეგახსენებთ, რომ შინაგან საქმეთა სამინისტროს გენერალური ინსპექციის ყოფილი უფროსს, თენგიზ გუნავას 10 000-ლარიანი გირაო შეეფარდა და სასამართლომ იგი 18 ნოემბერს გაათავისუფლა.