საგარეო უწყებას აშშ-ში საქართველოს ელჩის კანდიდატურა შერჩეული ჰყავს. როგორც დღეს საგარეო საქმეთა მინისტრმა განაცხადა, აშშ-ში საქართველოს ელჩობის კანდიდატურა არსებობს და კონსულტაციები მიმდინარეობს. მინისტრის განმარტებით, ამ ეტაპზე კანდიდატურის ვინაობის დასახელება ნაადრევია.
შეგახსენებთ, რომ გუშინ ცნობილი გახდა, რომ აშშ-ში საქართველოს ელჩი თემურ იაკობაშვილი აშშ-ში ელჩის თანამდებობას ტოვებს. იაკობაშვილმა თანამდებობის დატოვების შესახებ ფეისბუქში, თავის გვერდზე დაწერა: "ძვირფასო მეგობრებო. მინდა გაცნობოთ, რომ დღევანდელ თანამდებობაზე ჩემს მისიას და საქმიანობას ამოწურულად მივიჩნევ და დარწმუნებული ვარ, რომ საქართველოს ახალი მთავრობა ვაშინგტონში ახალმა ელჩმა უნდა წარმოადგინოს”.